Xeodestino
Xeodestino
Xeodestino
Área de Allariz, Maceda e Alto Arnoia
Lenda:
Patrimonio Cultural 
Patrimonio Natural 
Patrimonio Inmateria O proxecto
Dende tempos inmemoriais, lugares e paraxes deste xeodestino foron habitados e transformados pola man das persoas, sen embargo, aínda hoxe é posible vivir e desfrutar das súas paraxes naturais e dos seus bosques autóctonos, todos con incalculable valor.
Bos exemplos son: a Serra de San Mamede, as veigas da Limia ou todo o espectacular curso alto do Río Arnoia atravesados polas vellas vereas, pontellas e pontes. Camiños hoxe fosilizados na Ruta Mozárabe do Camiño de Santiago.
Ao mesmo tempo que se reflicte o pasado en Petróglifos, Castros, Aras Romanas, Miliariarios, Cruceiros, Castelos, Pazos ou incríbles e senlleiras igrexas da Arte Románica, podemos percorrer este territorio grazas aos seus habitantes, pasados e presentes, e ao incalculable valor do Patrimonio Inmaterial que foi quedando dende os Mouros, a cidade asologada de Antioquía, aos Felos de Maceda, o Home Lobo de Allariz ata a Mártir Mariña de Augas Santas, o rei Afonso X o Sabio ou Monchiño de Magarelos, que grazas a tradición popular seguen moi vivas e presentes nesta espectacular comarca chea de recursos por descubrir e sentir. Ven e coñéceo!