Fontes do Camiño:
patrimonio de pedra, vida e auga

Neste espazo atoparás un listado de fontes localizadas nos concellos de Xinzo de Limia, Sandiás, Trasmiras, Sarreaus, Xunqueira de Ambía, Taboadela e Allariz, acompañadas de fotografías que reflexan o seu estado actual.

As fontes son parte fundamental do noso patrimonio cultural, social e natural. Foron creadas para dar vida, servir á veciñanza e ofrecer descanso e auga fresca aos camiñantes do Camiño de Santiago. Pero hoxe, moitas delas están esquecidas, deterioradas ou mesmo sen auga.

A través deste rexistro queremos por en valor a súa importancia, visibilizar o seu estado e lembrar a necesidade de conservar, coidar e manter limpas as fontes para que sigan ao alcance de todos. Unha fonte limpa e utilizable é un recurso sostible, unha alternativa ao plástico e unha ligazón directa coa nosa historia. Preservar as fontes é garantir que a auga siga buscando o seu camiño.