O Camiño de Santiago é moito máis que unha ruta de peregrinación: é un fío que entrelaza historias, paisaxes, culturas e persoas ao longo de séculos. Entre os múltiples vieiros que conducen a Compostela, a Vía da Prata e o Camiño Mozárabe destacan pola súa riqueza natural, cultural e histórica. Nese contexto nace SEMTAYR, un proxecto ambicioso e ilusionante que busca mellorar a experiencia das persoas que percorren estes camiños, ao tempo que se valoriza o territorio.
O nome SEMTAYR responde ao obxectivo do proxecto: crear un Sistema de Xestión, Monitorización e Comunicación Virtual para mellorar a experiencia peregrina. Detrás deste nome técnico escóndese un traballo con moito corazón e colaboración: 30 Grupos de Acción Local, repartidos por Andalucía, Extremadura, Castela e León e Galicia, colaboran para poñer en marcha esta iniciativa conxunta.
O proxecto conta cun orzamento de case 1,5 millóns de euros, financiado pola Unión Europea a través dos fondos NextGenerationEU, dentro do Plan de Recuperación, Transformación e Resiliencia.
SEMTAYR abrangue máis de 2.000 quilómetros de camiños, que atravesan máis de 280 municipios. A diversidade e a riqueza do territorio fan que as accións do proxecto sexan tan variadas como necesarias:
No caso concreto do GDR Limia-Arnoia, un dos socios do proxecto en Galicia, estase a realizar un inventario detallado de fontes e lavadoiros situados ao longo dos tramos do Camiño de Santiago nos concellos de Xinzo de Limia, Sandiás, Trasmiras, Sarreaus,, Xunqueira de Ambía, Taboadela e Allariz. Este estudo analiza o estado de conservación de máis de 25 elementos patrimoniais ligados á auga, propoñendo actuacións de mellora como:
Estas actuacións teñen como obxectivo recuperar o valor ambiental, histórico e social destas fontes, integrándoas como puntos de interese no percorrido e contribuíndo á sustentabilidade e á identidade do camiño.
SEMTAYR abrangue máis de 2.000 quilómetros de camiños, que atravesan máis de 280 municipios. A diversidade e a riqueza do territorio fan que as accións do proxecto sexan tan variadas como necesarias:
Un dos piares do proxecto é a valorización das fontes e recursos hídricos do camiño. Estes elementos, ás veces esquecidos, forman parte da memoria viva do territorio: eran lugares de encontro, de descanso, de fe, de rituais… A auga acompaña as persoas viaxeiras, refresca os seus pasos, conta historias e deixa pegadas.
Poñer en valor as fontes non é só unha cuestión estética ou simbólica: é tamén un acto de conservación ambiental, cultural e emocional. SEMTAYR aposta por integrar estes elementos na experiencia turística e patrimonial do camiño.
Un proxecto vivo, un camiño compartido